أخر المقالات
تحميل...
ضع بريدك هنا وأحصل على أخر التحديثات!

الاثنين، 1 أغسطس 2011

موقع جوجل بلس

من المؤكد انك سمعت عن هذا الموقع الجديد الذى سوف ينافس الفيس بوك عما قريب

جوجل بلس هو خدمه المشاركه الاجتماعيه من جوجل 

الخدمه حاليا مازالت قيد التجربه والتطوير

ومع ذلك فان بها من المميزات ما يبشر بالجديد والمميز عن الفيس بوك 

ولكن مالذى يميز جوجل بلس عن غيره ؟

هناك 7 فروق او مميزات لجوجل بلس عن اى موقع اجتماعى هى كالتالى 


1- جوجل بلس متكامل مع كافه خدمات جوجل

يعنى تخيل حضرتك وانتا فاتح حسابك معاك اكونت الجى ميل واليوتوب وبيسكا والبلوج و...و... كل ده مدمج مع بعضه بكل سهوله ويسر
2- جهات الاتصال ( circles )

ودى ميزه مميزه الصراحه ازاى ؟


يعنى دلوقت انا ضايف زمايلى فى الكليه وضايف العائله المبجله وضايف الاصدقاء اللى تبعى وهكذا

نظام جهات الاتصال بيتيح لك ان تقسم الناس اللى عندك دول على جهات منفصله

يعنى مثله تعمل سيركل للعيله بحيث ممكن تشوف الاكتفيتى بتعاعتهم هما بس او تعمل شير لحاجه معاهم من غير باقى الفريندز اللى عندك وهكذا
3- خدمه sparks

برضه دى حاجه مش فى الفيس وميزه تدعم جوجل بلس

الخدمه بتمكنك انك تلاقى حاجه جديده ممكن تعملها شير مع صحابك وكده

وجوجل طبعا استغلت القدره على البحث فى الخاصيه دى اللى تفوقت فيها بجداره

4- الخصوصيه فى جوجل بلس


مازالت هناك مشاكل فى خصوصيه الفيس بوك من ناحيه حمايه ملفات المستخدمين

ولكن جوجل بلس عملت نظام خصوصيه مميز الصراحه بتشوفه وانتا شغال

5- المتابعه والصداقه

هو النظام هنا مش زى الفيس ..يعنى مش حتبعت اضافه وهو يرفضها او يركنك ع الرف لحد لما سعته يوافق لا

نظام شبه تويتر كده ..تابع ومتبوع يعنى انتا ممكن تضيفه لسيركل عندك وتكون تابع ليه والعكس
6- مشكله ال tag

فى الفيس دى مشكله فعلااا يمكن تكون مش ملحوظه مع بعض الناس انما على مستوى عدد كبير فهى مشكله ومشكله ومشكله

لانك بتلاقى صوره الله اعلم عامله ازاى ظاهره فى الملف بتاعك بالعافيه

وحلها انك تعمل حذف للتاج ده عشان تحذفها

فى جوجل بلس الموضوع ده اتحل

بحيث انك حتشوف الصوره الاول وممكن ترفضها او تقبلها براحتك
7- المحادثات الجماعيه hangout

وهو انك تقدر مجموعه من الناس شات وفديو كمان فى ان واحد وده اللى الفيس عمله حديثا باستخدام سكيب

اعتقد ان جوجل بلس حتطور نفسها اكتر من كده كمان وحتصبها فاااارقه عن الفيس قريبا

ملحوظه : الاشتراك فى جوجل بلس بنظام الدعوات يعنى تبقى عارف حد مشترك ويبعتلك دعوه للانضمام على الميل


هذا عرض سريع

شاركها مع أصدقائك!
تابعني→
أبدي اعجابك →
شارك! →

0 التعليقات :